Teas

Fiosrachadh

CLÀR, 2010. 124 duilleag. Còmhdach Bog.

Inbhis Nis. Na h-ochdadan. Prìomh bhaile na Gàidhealtachd, chanadh cuid. ’S ann an sin a thàinig Iain Murchadh MacLeòid a dh’obair do bhuidheann leasachaidh. An toiseach cha robh an obair a’ còrdadh ris – gus an latha a thòisich e a’ falbh le Lili. An-diugh, tha e aig mullach a shòlais agus e air an t-slighe dhachaigh thuice agus deireadh seachdain thaitneach air thoiseach orra.

Ach, tha beatha shona Iain Mhurchaidh dol a dh’atharrachadh gu tur. Chan e mhàin gu bheil a shaoghal ga thilgeil bun-os-cionn ach tha e fhèin a’ tighinn fo amharas eucoir. Dè an ceangal a th’ aig an neach-leighis Jane Harthill ris an eucoir no, gu dearbh, aig Raghnall Crombie, ceannard na buidhne dha bheil e ag obair?

Ann a bhith a’ feuchdainn ris na tha a’ tachairt dha a thuigsinn feumaidh e a h-uile càil às an robh e cinnteach roimhe a cheasnachadh, fiù inntinn fhèin. Tha an leabhar seo a’ togail cheistean cudromach mun dòigh-beatha a th’ againn san latha an-diugh: mun àrainneachd agus mun t-saoghal mun cuairt oirnn, agus cho prìseal ’s a tha e.

Leugh lèirmheas air an leabhar seo bho The Scottish Review of Books (Beurla).