Fiosrachadh
Acair, 2018. 100 duilleag.
Òrain Ghàidhlig à Ìle (le ceòl & eadar-theangachadh)
Anns an leabhar seo gheibhear òrain a tha cur an cèill spiorad Gàidhlig Ìle tro eachdraidh, dualchas agus àrainneachd phrìseil an eilein. Thàinig an leabhar gu buil tro phròiseactan ionadail far an do cho-obraich coimhearsnachdan le bhith cruinneachadh òrain de gach seòrsa – cuid air an robh mu thràth deagh aithne agus cuid eile nach deach a-riamh an clò. A thuilleadh air an sin chaidh ath-nuadhachadh a dhèanamh air pìosan bàrdachd traidiseanta le bhith cur ceòl às ùr riutha. Tha an leabhar air a chur ri chèile gu gasta le ìomhaighean fìor àlainn den eilean agus air a dhealbh gu grinn airson luchd-ciùil a bhith ga chleachdadh. Tha eadar-theangachadh cuideachail an cois gach òran.
Leabhar a dh’fheumar fhaighinn ma tha ùidh idir agad ann an òrain à Ìle. Foillsichte airson a’ chiad uair ann an 2017.
Leirmheasan
Chan eil leirmheasan ann fhathast.