Fiosrachadh
CLÀR, 2013. 246 duilleag. Còmhdach Bog.
Seo an dàrna cruinneachadh sgeulachdan leis an t-sàr sgrìobhadair Donnchadh MacGillIosa. Tha Dòmhnall Iain, a choinnich sinn sa chiad chruinneachadh, Tocasaid ‘Ain Tuirc, a’ nochadh a-rithist, trang le planaichean mòra, feallsanachd, bàrdachd, trod is àbhachdas ach is iomadh caractar dealbhach, iongantach eile a nochdas a tha gar stiùireadh gu faireachdainnean domhainn air nàdar nan ceanglaichean a th’ againn ris an t-saoghal agus na daoine mun cuairt oirnn. Tha liut air leth aig an sgrìobhadair seo air beatha nan caractaran aige, sean is òg, fireann is boireann a thoirt am follais, a’ mìneachadh miann an leanaibh bhig leis an aon cho-fhaireachdainn ‘s a thuigeas e inntinn na caillich a’ tighinn gu deireadh an là.
Leabhar a tha freumhaichte ann an rèasg Eilean Leòdhais ach a bhuineas rinn uile ge bith co às a tha sinn. Sgrìobhadh innleachdach a ghabhas a leughadh is ath-leughadh le annasan ùra a’ tighinn am bàrr gach uair.
Leirmheasan
Chan eil leirmheasan ann fhathast.