Fiosrachadh
Sandstone Press, 2016. 90 duilleag. Còmhdach bog.
Cha robh dòigh às ann dhaibh ach tron uinneig, agus b’ e sin an cothrom mu dheireadh aig an teaghlach Schmidt mus rachadh am balla a thogail, a’ sgaradh taobh Sear Bherlin bhon taobh Siar. Agus fada, fada don iar, tha cuimhne fhathast aig Màiri air an latha ud, air na dh’fhàg i às a dèidh agus air na rinn i airson faighinn air falbh, ach chan eil Catrìona, a nighean, fhathast eòlach air fìor eachdraidh a màthar.
Tha Mìcheal Klevenhaus na dheagh sgeulaiche a bhios a’ snìomh an fhiosrachaidh tro na duilleagan ann an dòigh a chumas an stòiridh a’ dol gu siùbhlach. Tha na caractaran domhainn, iomadh-fhillte, fìor agus air an deagh leasachadh a dh’aindeoin giorrad nan caibideilean agus an leabhair. Tha an t-ùghdar cuideachd ag obair air cuspairean dham bi co-fhaireachdainn aig an leughadair, mar sgaradh eadar daoine, an dà chuid gu corporra agus ann an sgaradh inntinn far nach urrainn do dhaoine bruidhinn mu rudan a tha cudromach eatarra. ‘S e na rudan air nach robhar a’ bruidhinn agus na gnìomhan nach robh air an dèanamh tro na bliadhnaichean a tha a’ fàgail na sgeulachd làidir ‘s sinn a’ tuigsinn an aithreachais a th’ ann a thaobh beatha eadar-dhealaichte nach robh ann agus na daoine a tha a’ fulang air sgàth sin.
Màiri Rhind (lèirmheas ann an STEALL 01 dd.95-97)
Leugh lèirmheasan air GoodReads agus le Daibhidh Eyre
Leirmheasan
Chan eil leirmheasan ann fhathast.